Felix Örn Friðriksson, leikmaður ÍBV, var í skýjunum eftir 1-0 sigur liðsins á FH í úrslitaleik Borgunarbikarsins í dag. Hann gat ekki lýst tilfinningunni.
Lestu um leikinn: ÍBV 1 - 0 FH
Felix kom inn sem varamaður í síðari hálfleik og bjargaði meðal annars á línu.
„Ólýsanlegt. Þetta er sætasti sigur sem ég hef sigrað. Það var geðveikt að taka þátt í þessu og með þessa áhorfendur, þetta var geðveikt," sagði Felix við Fótbolta.net.
„Við komum og berjumst og það er markmið ÍBV að berjast fram að 90. mínútu og gerðum það."
„Maður er auðvitað svekktur að fá ekki að spila allan leikinn en maður sættir sig við það að vinna og ég treysti öllum í þesum liði og þeim sem byrja, þjálfaranum og öllum. Þetta er sætt."
ÍBV fékk eina milljón í ávísun fyrir sigurinn og hann býst við því að væn summa af því verði notuð á Lundanum í Vestamannaeyjum.
„Ég segi það nú ekki en það verður góð fjárhæð notuð í kvöld. Þessi eyja er geðveik og stemningin og allt," sagði hann ennfremur.
Blaðamaður spurði hvort það mætti búast við annarri þjóðhátíð í kvöld og hann gat verið sammála því.
„Að sjálfsögðu," sagði hann í lokin.
Athugasemdir