Valencia borgar ekki krónu fyrir leikmanninn sem að gerir tveggja ára samning.

Mangala þekkir vel til hjá Valencia en hann lék með liðinu tímabilið 2016/17, þá á láni frá Manchester City. Miklar vonir voru bundnar við leikmanninn þegar hann gekk í raðir City frá Porto árið 2014 en hann hefur engan veginn náð sér á strik síðan þá.

Mangala hefði að öllum líkindum ekki fengið mörk tækifæri hjá Englandsmeisturunum á leiktíðinni sem að hófst nú um síðustu helgi.

Nú er verið að ganga frá öllum helstu pappírsmálum áður en að félagaskiptin verða kynnt.