Championship: Cleverley skoraði en meiddist síðan á afmælisdaginn

Watford fékk Burnley í heimsókn í fyrsta leik þriðju umferðar í Championship deildinni á Englandi í kvöld. Þetta eru tvö af liðunum sem féllu úr úrvalsdeildinni á síðustu leiktíð.

Bæði lið voru með fjögur stig eftir fyrstu tvær umferðirnar.

Tom Cleverley fyrirliði Watford fagnar 33 ára afmælinu sínu í dag en hann kom liðinu yfir í uppbótartíma fyrri hálfleiks. Hann varð fyrir því óláni að meiðast í skotinu og tók engan þátt í síðari hálfleiknum.

Hassane Kamara lét reka sig útaf með rautt spjald þegar 10 mínútur voru eftir fyrir að rífa Vitinho niður þegar hann var að sleppa einn í gegn.

Einum fleiri mistókst leikmönnum Burnley að jafna metin svo Watford fór með 1-0 sigur af hólmi.