Jerome Boateng, varnarmaður Bayern Munchen, hefur staðfest að hann hafi hafnað boði um að ganga í raðir Manchester United í sumar.
„Ég fékk fyrirspurnir frá PSG og Manchester United," sagði Botaeng.
„Mér líður vel hjá Bayern. Þetta er eitt stærsta félag í heimi," bætti Boateng en hann var upp með sér yfir áhuga frá United.
„Ég hringdi í Jose Mourinho og sagði honum að það væri heiður að þeir hefðu áhuga á mér og þakkaði honum fyrir að leggja svona hart að sér til að reyna að ná í mig."
„Ég útskýrði fyrir Jose að það sé erfitt að yfirgefa Bayern og ef ég geri það þá þurfi allt að vera til staðar til að toppa þetta félag."
Athugasemdir
