mið 12. september 2018 16:08
Magnús Már Einarsson
Meistaradeildin: Glódís í góðum málum - María skoraði
Glódís Perla Viggósdóttir.
Glódís Perla Viggósdóttir.
Mynd: Fótbolti.net - Hafliði Breiðfjörð
Íslenska landsliðskonan Glódís Perla Viggósdóttir spilaði allan leikinn þegar sænska liðið Rosengard lagði Ryazan-VDV 1-0 í Rússlandi í dag.

Um var að ræða fyrri leik liðanna í 32-liða úrslitum Meistaradeildarinnar í dag.

Rosengard skoraði sigurmarkið á lokamínútunni og er í góðri stöðu fyrir síðari leikinn í Svíþjóð í næstu viku.

María Þórisdóttir skoraði þriðja mark Chelsea sem burstaði Sarajevo 5-0 í Bosníu og Hersegóvínu í dag í Meistaradeildinni.

María er fastamaður í liði Chelsea en faðir hennar er Þórir Hergeirsson sem þjálfar kvennalandslið Noregs í handbolta.
Athugasemdir
banner
banner
banner