Vill ekki tjá sig um hver ætti að taka við landsliðinu
„Nei, ég er eiginlega ekki sátt með þetta miðað við færin sem við fengum í leiknum. Við hefðum átt að skora mikið fleiri mörk og koma okkur í betri stöðu," sagði landsliðsfyrirliðinn og leikmaður Wolfsburg, Sara Björk Gunnarsdótttir, eftir sigur á Þór/KA á Þórsvelli í 32-liða úrslitum Meistaradeildarinnar í kvöld.
Lestu um leikinn: Þór/KA 0 - 1 VfL Wolfsburg
„Það er mjög erfitt að spila gegn liði sem liggur svona djúpt og þær vörðust mjög vel, lokuðu á þau svæði sem við vildum komast í. Vonandi getum við opnað þær aðeins meira heima og nýtt færin okkur aðeins betur."
Aðspurð um þjálfaramál landsliðsins vildi Sara Björk lítið tjá sig, en KSÍ leitar nú að eftirmanni Freys Alexanderssonar.
„Nei, ég hef ekki mikla skoðun á því núna. Ég veit að KSÍ er að skoða þetta núna og mun eflaust tala aðeins við mig um það líka. Ég ætla ekki að vera nefna nein nöfn hér núna."
Athugasemdir