Jermaine Jenas, sérfræðingur BBC, segir að Liverpool sé sigurstranglegast í baráttunni um enska meistaratitilinn eftir að varnarmaðurinn Aymeric Laporte hjá Manchester City var borinn af velli á börum í sigrinum gegn Brighton þann 31. ágúst.

Laporte er meiddur á hné og verður frá til áramóta. Hann missir þá af fimmtán úrvalsdeildarleikjum hjá City og allri riðlakeppni Meistaradeildarinnar.

Chris Sutton, annar sérfræðingur hjá BBC, segir að City hafi þarna misst einn sinn allra mikilvægasta leikmann á meiðsalistann.

„Laporte er skylmingakappinn í vörn Ciity, leiðtogi og besti varnarmaðurinn. Það verður áhugavert að sjá hvernig City mun vegna án hans. Hann er það fyrir City sem Van Dijk er fyrir Liverpool. Hann kemur með stöðugleika í gegnum liðið," segir Sutton.

„Að missa Laporte hefur áhrif á dínamíkina í allri varnarlínunni og hann verður stór missir."

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit