Niasse var ekki í myndinni hjá Koeman, en eftir slaka byrjun á tímabilinu ákvað Koeman að gefa Niasse tækifæri. Niasse nýtti tækifærið sitt og hefur skorað þrjú mörk í þremur leikjum. Hann er líklega ljósasti punkturinn hjá Everton það sem af er tímabilinu.

Niasse reynir alltaf að hugsa jákvætt. Hann segir að það hafi reynst mikilvægt fyrir sig að vera jákvæður.

„Ég vil ekki segja að ég sé heppinn, guð er með mér. Ég reyni alltaf að hugsa jákvætt í lífinu. Sumir hlutir geta verið neikvæðir, en þegar þú hugsar fram á veginn þá sérðu að það er miklu meira jákvætt í lífinu," sagði þessi skemmtilegi sóknarmaður í samtali við Sky.

„Alltaf þegar eitthvað slæmt gerist, þá segi ég við sjálfan mig að eitthvað gott muni gerast fljótlega. Það hjálpar mér."