Arsene Wenger, stjóri Arsenal, segir að félagið muni mögulega selja Alexis Sanchez og Mesut Özil í janúar ef þeir skrifa ekki undir nýja samning fyrir þann tíma.
Báðir leikmenn verða samningslausir næsta sumar og gætu þá farið frítt frá Arsenal.
Báðir leikmenn verða samningslausir næsta sumar og gætu þá farið frítt frá Arsenal.
„Þegar þú ert í þesari stöðu þá skoðum við alla möguleika. Það er mögulegt," sagði Wenger aðspurður hvort leikmennirnir verði seldir í janúar ef þeir framlengja ekki samninga sína.
Umboðsmaður Özil sagði í vikunni að viðræður um nýjan samning gangi vel og leikmaðurinn vilji vera áfram í ensku úrvalsdeildinni.
„Mér skilst það, já," sagði Wenger um þau ummæli. „Ég hef alltaf sagt að þó að við höfum ekki náð samkomulagi á síðasta tímabili þá þýði það ekki endilega að leikmaðurinn fari."
„Báðir leikmennirnir virðast vera ánægðir hér og ég vona að það sé hægt að snúa þessari stöðu við. Í augnablikinu erum við hins vegar ekki nálægt því að tilkynna neitt."
Athugasemdir