Paco hefur farið feykilega vel af stað á láni hjá Dortmund á tímabilinu. Hann er kominn með sjö mörk í fjórum leikjum og skoraði tvennu fyrir spænska landsliðið í gærkvöldi. Það virðist ekkert geta stöðvað hann um þessar mundir.

Dortmund getur keypt Paco fyrir 23 milljónir evra sem er algjör gjafaprís miðað við verðlag í knattspyrnuheiminum nú til dags.

Dortmund ætlar að bjóða framherjanum fjögurra ára samning með 8 milljónir evra í árslaun. Þar með yrði hann þriðji launahæsti leikmaður félagsins eftir Mario Götze og Marco Reus.