fös 12. október 2018 15:30
Hafliði Breiðfjörð
Brynjar Ásgeir hættur hjá Grindavík
Brynjar Ásgeir í leik með Grindavík í sumar.
Brynjar Ásgeir í leik með Grindavík í sumar.
Mynd: Fótbolti.net - Hafliði Breiðfjörð
Brynjar Ásgeir Guðmundsson er hættur hjá Grindavík og ætlar að finna sér annað lið til að leika með á komandi leiktíð.

Þetta staðfesti hann við Fótbolta.net í dag. „Ég ákvað að kalla þetta gott í Grindavík og er klár í nýja áskorun," sagði hann.

Hann staðfesti að hann hafi rætt við önnur félög en ekkert sem sé komið langt í viðræðum.

Brynjar Ásgeir spilaði 13 leiki með Grindavík í Pepsi-deildinni í sumar en handarbrot um mitt mót setti þar strik í reikninginn.

Hann er uppalinn hjá FH þar sem hann hóf meistaraflokksferilinn árið 2012 og lék út tímabilið 2016 er hann fór í Grindavík.

Hann er fjölhæfur leikmaður, getur spilað allar stöður á vellinum og á að baki 92 leiki í deild og bikar og hefur skorað 6 mörk.
Athugasemdir
banner
banner
banner