Hannes var spurður út í lífið í Aserbaídsjan eftir leikinn en hann er á mála hjá meisturunum þar í landi, Qarabag.

„Þetta er svolítið öðruvísi en maður á að venjast. Það er ekki þannig að það er einn markmaður sem spilar alla leiki, við erum þrír þarna og hann hefur verið að rótera þessu mjög mikið," sagði Hannes.

„Maður fær alltaf einhverja leiki en auðvitað vil ég spila stóru leikina sem ég hef ekki verið að gera uppá síðkastið. Hann hefur bara ekki gefið færi á sér gæinn sem var fenginn þegar ég kom meiddur til félagsins. Hann stendur sig mjög vel og ég þarf að halda mér á tánum og grípa tækifærið þegar það gefst."

Hannes er ánægður með aðstæður hjá sínu nýja félagi og segir lífið leika við sig og fjölskylduna í nýju landi.

Viðtalið í heild er hægt að sjá í spilaranum hér að neðan. Hannes byrjar að tala um Aserbaídsjan eftir rúmlega eina og hálfa mínútu af myndbandinu.