Geoffrey Kondogbia er búinn að skipta um landslið og er ekki lengur gjaldgengur fyrir Frakkland.
Kondogbia á fimm leiki að baki fyrir franska A-landsliðið en það eru allt vináttulandsleikir. Þar að auki á hann 57 leiki að baki fyrir yngri landslið Frakklands.
Kondogbia er 25 ára og spilar fyrir Valencia í spænska boltanum. Hann hefur leikið fyrir Lens, Sevilla, Mónakó og Inter á ferlinum.
Miðjumaðurinn er fæddur í Frakklandi en báðir foreldrar hans eru frá Mið-Afríkulýðveldinu.
Kondogbia er að spila sinn fyrsta leik fyrir Mið-Afríkulýðveldið þessa stundina en hann fékk treyju númer 19 og fyrirliðabandið.
Evans Kondogbia, eldri bróðir Geoffrey, er sóknarmaður og á fimm landsleiki að baki fyrir Mið-Afríkulýðveldið.
Athugasemdir