Jose Mourinho var mættur til Svartfjallalands í gær til að horfa á landsleikinn gegn nágrönnunum frá Serbíu.
Mourinho mætti eflaust til að fylgjast með Sergej Milinkovic-Savic sem Manchester United reyndi að kaupa í sumar.
Savic er 23 ára gamall og gæti Man Utd reynt að krækja í hann í janúar. Hann hefur alla burði til þess að leysa Paul Pogba af hólmi.
Savic byrjaði ekki leikinn heldur kom hann inn af bekknum þegar rétt rúmlega tíu mínútur voru eftir af venjulegum leiktíma.
Nokkrum mínútum eftir innkomuna vann Savic boltann ofarlega á vellinum og hrinti af stað sókninni sem átti eftir að skila sigurmarkinu.
Hans hlutverki í markinu var þó ekki lokið því hann átti glæsilega gabbhreyfingu sem gerði Aleksandar Mitrovic kleift að innsigla sigur Serba.
Milinkovic-Savic assist for Serbia tonight 😎 #serbia #milinkovicsavic pic.twitter.com/dnFbZOqX60
— Mark (@Utd_Mark) October 11, 2018
Athugasemdir