Lokahóf sigrumparkinson.is, samstarfsverkefnis KSÍ og Parkinsonsamtakanna, fer fram á morgun, laugardaginn 13. október, í Guðríðarkirkju í Grafarholti.
Efnt hefur verið til tónleikahalds í kirkjunni þar sem þekkt nöfn úr íslensku tónlistarsenunni stíga á svið.
Tónleikarnir hefjast klukkan 17 og rennur allur ágóði óskiptur til Parkinsonsamtakanna.
„Með stuðningi KSÍ hafa Parkinsonsamtökin verið í öflugu kynningar- og fjáröflunarátaki fyrir sérstakt Parkinsonsetur sem verður fyrsta sinnar tegundar á Íslandi," segir í yfirlýsingu frá Parkinsonsamtökunum.
„Markmiðið samtakanna er að auka aðgengi fólks með parkinson að fræðslu, stuðningi, þjálfun og endurhæfingu.
„Lífið með parkinson er snúið en saman erum við sterkari."
Fram koma:
· Valdimar
· Ólöf Arnalds og Skúli Sverrisson
· Bjartmar Guðlaugsson
· Árný Árnadóttir
· Parkrímur
· Svavar Knútur
· Teitur Magnússon
· Tilbury
Athugasemdir