Belgía er búið að taka yfir toppsæti íslenska riðilsins í Þjóðadeildinni með 2-1 sigri á Svisslendingum.
Leikurinn var jafn og spennandi og kom Romelu Lukaku heimamönnum yfir snemma í síðari hálfleik.
Mario Gavranovic jafnaði eftir aukaspyrnu en Lukaku var aftur á ferðinni skömmu síðar og kom sínum mönnum yfir á nýjan leik.
Belgar sigldu sigrinum í höfn og eru á toppi riðilsins með sex stig eftir tvær umferðir.
Króatía gerði þá markalaust jafntefli við England í bragðdaufum leik sem var leikinn fyrir luktum dyrum.
Harry Kane og Eric Dier skutu báðir í tréverkið og klúðraði Marcus Rashford tveimur góðum færum í leiknum.
Þetta er fyrsta stig beggja liða eftir tapleiki gegn Spánverjum í fyrstu umferð.
Marko Arnautovic var hetja Austurríkis gegn Norður-Írum í B-deildinni, rétt eins og Teemu Pukki hjá Finnlandi og Konstantinos Mitroglou hjá Grikkjum.
A-deild:
Belgía 2 - 1 Sviss
1-0 Romelu Lukaku ('58 )
1-1 Mario Gavranovic ('76 )
2-1 Romelu Lukaku ('84)
Króatía 0 - 0 England
B-deild:
Austurríki 1 - 0 Norður-Írland
1-0 Marko Arnautovic ('71 )
C-deild:
Grikkland 1 - 0 Ungverjaland
1-0 Konstantinos Mitroglou ('65 )
Eistland 0 - 1 Finnland
0-1 Teemu Pukki ('91)
D-deild:
Hvíta-Rússland 1 - 0 Lúxemborg
1-0 Anton Saroka ('40 )
Moldavía 2 - 0 San Marínó
1-0 Radu Ginsari ('31 )
2-0 Radu Ginsari ('67 )
Athugasemdir