banner
   fös 12. október 2018 11:00
Ívan Guðjón Baldursson
Usain Bolt með tvennu í sínum fyrsta byrjunarliðsleik
Mynd: Getty Images
Usain Bolt, sneggsti maður mannkynssögunnar, á sér draum um að verða atvinnumaður í knattspyrnu áður en hann verður of gamall.

Bolt er 32 ára gamall og hefur verið að æfa með Centra Coast Mariners í Ástralíu að undanförnu.

Bolt fékk 20 mínútur í æfingaleik með félaginu í ágúst en fékk að vera í byrjunarliðinu gegn Campbelltown í gær.

Bolt fékk að spila fyrstu 75 mínúturnar og náði að skora tvö mörk þó hann hafi ekki komið mikið við sögu í leiknum, en hann átti aðeins tvær heppnaðar sendingar á tíma sínum á vellinum.

Bolt byrjaði við hlið Ross McCormack í sóknarlínu Central Coast, en McCormack gerði garðinn frægan með Leeds og Fulham í enska boltanum.

„Það er mjög góð tilfinning að skora tvö mörk í sínum fyrsta byrjunarliðsleik. Ég er ánægður að hafa komið hingað og sýnt heiminum að ég er að bæta mig sem knattspyrnumaður," sagði Bolt að leikslokum.







Athugasemdir
banner
banner
banner