Ari Freyr Skúlason hefur spilað 82 leiki en ekki enn tekist að skora
Íslenski landsliðmaðurinn Ari Freyr Skúlason slær á létta strengi á Twitter í kvöld en hann segist vilja fá markið sem Andri Lucas Guðjohnsen skoraði í 4-0 sigrinum á Liechtenstein, skráð á sig.
Fjórða mark Íslands var beint úr Guðjohnsen-smiðjunni. Sveinn Aron Guðjohnsen átti skalla fyrir Andra sem kláraði af mikilli yfirvegun framhjá markverði Liechtenstein.
Andri var að spila í treyju númer 23 en Ari Freyr er vanur því að spila því treyjunúmeri.
Ari hefur aldrei skorað fyrir íslenska landsliðið í þeim 82 leikjum sem hann hefur spilað en hann grínaðist með það að hann vildi fá markið skráð á sig þar sem hann lánaði Andra treyjuna fyrir leikinn.
Andri hefur spilað 39 mínútur með Íslandi og skorað tvö mörk.
„Væri fínt að fá þetta mark skráð á mig. Hann fékk númerið mitt lánað af því ég hef spilað nokkur þúsund mínútur og með 0 mörk," sagði Ari léttur á Twitter.
Sjá einnig:
Spilað tæplega 40 mínútur með landsliðinu og skorað tvö mörk
Væri fínt að fá þetta mark skráð á mig🙈 , hann fékk númerið mitt lánað af því að ég hef spilað nokkur þúsund mínútur og með 0 mörk🥶 https://t.co/AJDq531jfh
— Ari Freyr Skulason (@Skulason11) October 12, 2021
Athugasemdir
