Jökull Andrésson, besti leikmaður íslenska liðsins í dag var virkilega svekktur er Ísland tapaði 0-1 fyrir Portúgal í undankeppni EM U21 árs.
"Já við erum rosalega svekktir við áttum skilið 3 stig, við vorum stórkostlegir í dag bara ógeðslega flottir og rosalega óheppnir að skora ekki eitt mark eða tvö" Sagði Jökull í viðtali eftir leik.
"Já við erum rosalega svekktir við áttum skilið 3 stig, við vorum stórkostlegir í dag bara ógeðslega flottir og rosalega óheppnir að skora ekki eitt mark eða tvö" Sagði Jökull í viðtali eftir leik.
Lestu um leikinn: Ísland U21 0 - 1 Portúgal U21
Bestu leikmenn leiksins voru markmenn beggja liða en Celton Biai markmaður Portúgala og Jökull voru gjörsamlega frábærir í leiknum.
"Hinn markmaðurinn var stórkostlegur en þetta er bara vinnan mín, ég er ekkert fagnandi hérna út af því við töpuðum leiknum, eina sem skipti máli í dag var að ná í 3 stig, jújú auðvitað er ég sáttur með mína frammistöðu en manni langar alltaf í 3 stig"
Hvernig fannst Jökkli að vera hinu megin á vellinum að fylgjast með færanýtingu liðsins?
"Stundum er maður bara óheppinn, ég þekki strákana mjög vel og þetta eru stórkostlegir leikmenn og ég get sagt þér það, á æfingum þá slútta þessir gaurar öllum færum og þeir voru bara óheppnir í dag og stundum eiga markmenn bara svona daga þannig bara óheppnir í dag"
Viðtalið má sjá í heild sinni hér fyrir ofan þar sem Jökull talar um tíma sinn hjá Morcambe og fleira.
