Sara var mjög slöpp í tvo daga - „Hún var fyrirmynd inn á vellinum"
Sara Björk Gunnarsdóttir, landsliðsfyrirliði.
Mynd: Fótbolti.net - Jónína Guðjörg Guðbjartsdóttir
Sara Björk Gunnarsdóttir, landsliðsfyrirliði.
Mynd: Fótbolti.net - Jónína Guðjörg Guðbjartsdóttir
Sara Björk Gunnarsdóttir lék allar 120 mínúturnar þegar Ísland tapaði gegn Portúgal í umspilinu fyrir HM í gær.
Sara var ekki með á síðustu æfingunni fyrir leik vegna veikinda, en þrátt fyrir það spilaði hún allan leikinn og framlenginguna líka.
Það var vafaatriði hvort hún myndi spila leikinn en hún var orðin betri á leikdegi eftir að hafa verið veik dagana tvo þar áður.
„Jú, það var alveg vafaatriði en hún var fersk í dag. Hún stóð sig vel og lagði allt í þetta. Hún var fyrirmynd inn á vellinum," sagði Þorsteinn Halldórsson, landsliðsþjálfari, eftir leikinn.
Sara var einnig spurð út í veikindin eftir leikinn.
„Ég var fram og til baka í hausnum á mér. Síðustu tvo daga var ég mjög slöpp og veik. Ég var að vonast til að ég yrði hressari í dag og ég var það. Ég var glöð að ná að klára leikinn og ná að geta gefið eitthvað af mér í þessum leik," sagði landsliðsfyrirliðinn sem gaf sig alla í verkefnið að venju.
Það var vafaatriði hvort hún myndi spila leikinn en hún var orðin betri á leikdegi eftir að hafa verið veik dagana tvo þar áður.
„Jú, það var alveg vafaatriði en hún var fersk í dag. Hún stóð sig vel og lagði allt í þetta. Hún var fyrirmynd inn á vellinum," sagði Þorsteinn Halldórsson, landsliðsþjálfari, eftir leikinn.
Sara var einnig spurð út í veikindin eftir leikinn.
„Ég var fram og til baka í hausnum á mér. Síðustu tvo daga var ég mjög slöpp og veik. Ég var að vonast til að ég yrði hressari í dag og ég var það. Ég var glöð að ná að klára leikinn og ná að geta gefið eitthvað af mér í þessum leik," sagði landsliðsfyrirliðinn sem gaf sig alla í verkefnið að venju.
