Pep Guardiola rauk inn á völlinn til að skamma Raheem Sterling eftir 3-1 sigur Manchester City í borgarslagnum gegn Manchester United í gær.
Atvikið kom fréttamönnum á óvart og var Pep spurður út í hvað hafi verið í gangi að leikslokum.
„Þetta er bara ekki besta leiðin til að tryggja sigurinn því allt getur gerst í fótbolta. Hann var að gera einhverjar óþarfa gabbhreyfingar með fótunum sem hann hefði átt að sleppa, en hann er ungur og á eftir að bæta sig," svaraði Pep.
Pep var þá að tala um atvik sem gerðist undir lok leiksins þegar City var með boltann á vallarhelmingi United. Juan Mata var ekki sáttur með athæfi Sterling og gaf honum orð í eyra, skömmu áður en Pep gerði slíkt hið sama.
Sterling átti annars fínan leik og átti þátt í opnunarmarki City sem kom eftir ellefu mínútur af leiknum. Sigurinn fleytir City á topp ensku úrvalsdeildarinnar, tveimur stigum fyrir ofan Liverpool.
This is why Pep Guardiola is the best coach in the world because even after a great win he still has that desire to tell Sterling what he could do better pic.twitter.com/3rfFreAAZ5
— Brady Newstead (@bradynewstead) November 11, 2018
Athugasemdir