Man City er á toppi deildarinnar með tveggja stiga forystu eftir sigurinn og koma Liverpool, Chelsea, Tottenham og Arsenal í næstu sætum fyrir neðan.

„Eins og staðan er núna þá eiga Man City, Liverpool, Chelsea og jafnvel Arsenal og Tottenham möguleika á titlinum. Við erum bara með tveggja stiga forystu," sagði Guardiola

„Við fengum engin stig á Anfield á síðasta tímabili en náðum jafntefli núna. Við töpuðum líka heima gegn United en unnum núna. Það er mjög gott."

City er búið að skora 15 mörk í síðustu þremur leikjum og hafa knattspyrnusérfræðingar haft orð á því að tímabilið í ár gæti orðið enn betra heldur en í fyrra.

„Við erum bara í nóvember, það er ennþá hellingur eftir af tímabilinu. Við erum ekki einu sinni búnir með fyrri umferð tímabilsins, það getur allt gerst í fótbolta."