Santiago Solari verður áfram þjálfari Real Madrid út tímabilið samkvæmt fréttum frá Spáni í dag.
Solari var áður þjálfari varaliðs Real Madrid auk þess sem hann hefur þjálfað unglingalið félagsins.
Solari var settur tímabundið í þjálfarastólinn eftir að Julen Lopetegui var rekinn fyrir tveimur vikum.
Undir stjórn Solari hefur Real Madrid unnið fjóra leiki í röð og Argentínumaðurinn fær nú að halda starfinu út tímabilið.
Hinn 42 ára gamli Solari spilaði sjálfur með Real Madrid frá 2000 til 2005.
Athugasemdir