Fótbolti.net

Siggi Raggi: Margt sem við getum lært á leiknum

Óskar Hrafn: Gerðum allt sem við gátum til að fá hann

Gunnar Einars: Úrslitin ekki aðalatriðið á þessum tímapunkti

Bjarni Jó: Þetta er bara skemmtilegt

Sveindís Jane: Ég ætla að verða besti leikmaður í heimi

Arnar Gunnlaugs: Sölvi fær þann tíma sem hann þarf

Kári Árna: Vil frekar enda með gott bragð í munni

Andri Freyr: Mikill metnaður í klúbbnum

Baldur Sig spenntur: Vorum saman í Völsungi í þessari deild

Dofri Snorra: Þetta lið getur gert mjög góða hluti

Eiður Ben: Vandræðalegt ef dómgæsla er komin svona stutt í kvennaboltanum

Hannes rýnir í Ungverjaleikinn: Held að þetta ráðist á einu marki

Guðjón íhugaði að hætta: „Kviknaði neisti þegar ég spjallaði við KR"

Arnar bjartsýnn fyrir hönd Íslands: Svipuð tilfinning og fyrir Rúmeníu

Arnar Gunnlaugs: Fáum hann eftir hans besta tímabil

Pablo: KR þarf að taka erfiðar ákvarðanir fjárhagslega

Hallbera: Væri draumur að fá að æfa fótbolta fyrir næsta leik

Ólafur Ingi: Þurfum að spila með stæl og sjá hvert það tekur okkur

Birkir Már um landsliðið: Alltaf tilbúinn ef kallið kemur

Höskuldur: Fjórir úrslitaleikir eftir

fim 12. nóvember 2020 17:24

@orvar05

Örvar Arnarsson

Hannes rýnir í Ungverjaleikinn: Held að þetta ráðist á einu marki

Hannes Þorsteinn Sigurðsson.

Mynd: Örvar Jens Arnarsson

Frá Puskas Arena í Búdapest.

Mynd: Getty Images

Íslenska liðið mætir því ungverska í hreinum úrslitaleik um sæti á EM.

Mynd: Fótbolti.net - Hafliði Breiðfjörð

Fyrrum landsliðsmaðurinn Hannes Þorsteinn Sigurðsson er sérfræðingur Fótbolta.net í Búdapest. Íslenska landsliðið mun klukkan 19:45 í kvöld mæta Ungverjalandi í hreinum úrslitaleik um sæti á EM næsta sumar.

Nálgast má beina textalýsingu frá leiknum hérna.

„Þessi völlur sem þeir eru búnir að byggja er einstakt mannvirki. Það er synd og skömm að hálf þjóðin sé ekki mætt hérna út. Vonandi getum við samt nýtt þennan völl og notið hans næsta sumar," segir Hannes, en Puskas Arena verður á meðal leikvalla á Evrópumótinu.

Arnór Ingvi Traustason verður ekki með íslenska liðinu í kvöld og er búist við því að Rúnar Már Sigurjónsson komi inn í byrjunarliðið í hans stað.

„Fyrst og fremst sérstaklega eftir frábæra frammistöðu hjá Arnóri í síðasta verkefni, þar sem hann spilaði örugglega sinn besta landsleik síðan á EM fyrir fjórum, þá er andskoti dýrt að missa hans. Ég óska honum góðs bata," sagði Hannes en Arnór er með kórónuveiruna.

„Ef Ungverjar spila sitt venjulega kerfi, 3-5-2 (5-3-2), þá geri ég ráð fyrir því að við tökum mann inn sem nýtist vel í stöðu sem aukamaður á miðju. Ef Rúnar myndi koma inn, þá meikar það sens... Við erum með nokkra möguleika. Sama hvað finnst mér líklegt að við séum að spila 4-5-1 gegn kerfi þeirra. Hvort að Gylfi sé þá ekki frammi en færist aftar á miðjuna, þá sérstaklega í varnarleiknum."

„Með uppleggið í síðustu leikjum, þá höfum við verið að pressa hærra en við höfum verið að gera áður. Þá er spurningin hvort það hafi verið gert til að drilla inn eitthvað ákveðið gegn Ungverjum. Ég held að Hamren, Freyr og allir séu búnir að kortleggja þá ansi vel og finna veikleika. Ég held að við munum ráðast á veikleika þeirra ansi vel."

Hvernig spáir Hannes að fari í kvöld?

„Ég held í fyrsta lagi að það verði engar áhættur teknar hjá hvorugu liði; þetta verður stál í stál. Ég held að þetta ráðist á einu marki. Við kreistum fram 1-0 sigur og þar við situr. Þeir eru stressaðir Ungverjarnir og ég geri ráð fyrir því að það verði engar áhættur teknar."

„Þeir (Ungverjar) eru án þjálfara síns í leiknum, Marco Rossi greindist með Covid. Það gæti farið í báðar áttir, annað hvort mun það þétta hópinn og styrkja hann, eða það mun brjóta hann að hafa ekki þjálfarann á staðnum. Það hefur áhrif. Það verður fróðlegt að sjá hvernig Ungverjar tækla þetta, hvort andlega hliðin sé nægilega sterk."

„Það getur dottið í báðar áttir og það að vera kaldur í hausnum og vera svolítið viljugur að 'grinda' fram eitthvað í dag, þar kemur hugarfarið inn. Við höfum sýnt það á síðustu árum að það eru fáir leikmannahópar sem eru sterkari heldur en íslenski hópurinn andlega. Við munum alltaf hafa yfirhöndina þar. Það er eitthvað sem segir mér að þetta verði stál í stál, ráðist á einu marki eða fari jafnvel í framlengingu og vítaspyrnukeppni."

„Það er samt yfirleitt þannig þegar ég giska að þá fer þetta í allt aðra átt. Þetta gæti þess vegna endað 5-3," sagði Hannes.

Viðtalið má sjá í heild sinni hér að ofan.

Athugasemdir

Nýjustu fréttirnar