mið 12. desember 2018 16:32
Magnús Már Einarsson
Myndir: Fyrsta æfing Heimis hjá Al Arabi
Heimir á æfingunni í dag.
Heimir á æfingunni í dag.
Mynd: Twitter
Heimir Hallgrímsson stýrði í dag sinni fyrstu æfingu hjá Al Arabi í Katar en hann var ráðinn þjálfari liðsins í fyrradag.

Allir leikmenn Al Arabi voru mættir á æfinguna nema Ahmed Fathi sem er farinn í æfingabúðir með landsliði Katar fyrir Asíuleikana í janúar.

Hlé er á deildinni í Katar fram í febrúar vegna Asíuleikanna en Al Arabi á leik í bikarkeppninni föstudaginn 21. desember. Það verður fyrsti leikur Heimis við stjórnvölinn.

Bjarki Már Ólafsson var ráðinn aðstoðarþjálfari Heimis og hann var einnig á æfingunni í dag líkt og hinn spænski Jordi Condom sem er líka aðstoðarþjálfari hjá Al Arabi.

Hér má sjá myndir sem Al Arabi birti frá æfingunni í dag.

Athugasemdir
banner
banner