Aftur í enska boltann?
Yaya Toure vonast til að finna nýtt félag í ensku úrvalsdeildinni eftir að samningi hans hjá gríska félaginu Olympiakos var rift í gær.
Hinn 35 ára gamli Toure fór frá Manchester City til Olympiakos í sumar.
Toure samdi um að fá greitt fyrir spilaða leiki og Olympiakos átti í erfiðleikum með að standa undir þeim greiðslum. Því var samningnum rift.
Hinn 35 ára gamli Toure fór frá Manchester City til Olympiakos í sumar.
Toure samdi um að fá greitt fyrir spilaða leiki og Olympiakos átti í erfiðleikum með að standa undir þeim greiðslum. Því var samningnum rift.
Sky Sports greinir frá því í dag að Toure hafi áhuga á að snúa aftur í ensku úrvalsdeildina en hann ætlar að fljúga til London í vikunni og skoða sín mál.
Toure hefur nú þegar hafnað tilboðum frá Kína og Bandaríkjunum en hugur hans er á Englandi þar sem fjölskylda hans býr.
Athugasemdir
