---

Antonio Conte, stjóri Chelsea, vill kaupa Alexis Sanchez (29) frá Arsenal í janúar. Manchester City og Manchester United eru líka að berjast um Sílemanninn (Telegraph)

Áhugi Tottenham á Brasilíumanninum Malcom (20) hefur dalað eftir að í ljós kom að Bordeux vill fá 45 milljónir punda fyrir hann. Arsenal hefur enn áhuga. (Mail)

Tottenham er tilbúið að hefja viðræður við Harry Kane (24) um nýjan samning. Spurs vill einnig framlengja við Christian Eriksen (25) og Son Heung-min (25). (Times)

Manchester United ætlar að gera markvörðinn David de Gea (27) að launahæsta leikmanni félagsins ásamt Paul Pogba. (Sun)

Man Utd hefur áhuga á Jamie Vardy (30) sóknarmanni Leicester en mun ekki fylgja þeim áhuga eftir. (Leicester Mercury)

Vonir Arsene Wenger, stjóra Arsenal, að leikstjórnandinn Mesut Özil (29) verði áfram hjá félaginu hafa aukist. (Telegraph)

Manchester City hefur boðið 45 milljónir punda í Fred (24), miðjumann Shakhtar Donetsk. (MEN)

Spænska félagið Espanyol er farið að undirbúa sig fyrir brottför knattspyrnustjórans Quique Sanchez Flores. Hann er að taka við Stoke City. (Marca)

David Moyes, stjóri West Ham, kallar eftir því að janúar glugginn verði styttur um viku. Hann vill einnig að lokadagur félagsskiptagluggans fari fram á hóteli þar sem fulltrúar frá öllum liðum komi saman. (Times)

Robin van Persie (34) er að yfirgefa Fenerbache og er að ganga í raðir uppeldisfélagsins, Feyenoord. (AD)

Chelsea hefur áhuga á því að ráða annað hvort Massimilano Allegri, stjóra Juventus, eða Maurizio Sarri, stjóra Napoli, sem eftirmann Antonio Conte. (Evening Standard)

Nýr samningur Lionel Messi hjá Barcelona færir honum meira en 100 milljónir evra í árslaun. (Mediapart)

Real Madrid var tilbúið að borga 250 milljón evra riftunarverð í samningi Messi (30) hjá Börsungum árið 2013. (El Mundo)

Nottingham Forest, Aston Villa, Leeds og Cardiff eru öll áhugasöm um Adam Clayton (28) miðjumann Middlesbrough. (Northern Echo)

Tony Pulis, nýráðinn stjóri Middlesbrough, ætlar að fá einn eða tvo leikmenn í þessum mánuði. (Evening Gazette)

Sunderland vill fá sóknarmanninn Jonathan Walters (34) á láni frá Burnley út leiktíðina. (Northern Echo)

Bakary Sako (29) hefur hug á því að vera áfram hjá Crystal Palace þrátt fyrir að samningur hans sé að renna út. (Croydon Advertiser)

Schalke vill fá bakvörðinn Baba Rahman (23) aftur frá Chelsea. Rahman eyddi fyrri hluta síðasta tímabils á láni hjá þýska félaginu. (Evening Standard)

West Ham er tilbúið að hlusta á tilboð í sóknarmanninn Javier "Chicharito" Hernandez (29). (Mail)

David Moyes ætlar ekki að selja sóknarmanninn Andy Carroll (29) frá West Ham. Carroll hefur verið orðaður við Chelsea. (Sky Sports)

Watford hefur ekki áhuga á Juan Camilo Hernandez (18), kólumbísku kantmanni sem hefur heillað með frammistöðu sinni hjá Huesca í spænsku B-deildinni. (Hertfordshire Mercury)

Paris Saint-Germain ætlar sér að næla í miðjumanninn Jean Michel Seri (26) frá Nice. (Le Parisien)