Babel er 32 ára gamall og kemur á lánssamning frá tyrkneska stórveldinu Besiktas sem hefur ekki verið að gera sérlega góða hluti á tímabilinu.

Besiktas er að reyna að minnka launakostnaðinn hjá sér og er þetta lán hluti af því, en stuðningsmenn félagsins hafa snúist gegn Babel að undanförnu og vilja sjá hann fara burt.

Babel á að hjálpa Fulham í fallbaráttunni en hann hefur reynslu úr enska boltanum eftir að hafa verið leikmaður Liverpool í þrjú og hálft ár á sínum yngri árum.

Babel hefur gert 8 mörk í 54 landsleikjum fyrir Holland og mun berjast við menn á borð við Andre Schürrle og Lucas Vietto um byrjunarliðssæti.