Harry Kane, sóknarmaður Tottenham, haltraði út af undir lok leiksins gegn Manchester United í ensku úrvalsdeildinni. Það er mikið áhyggjuefni fyrir stuðningsmenn Spurs.
Kane hélt um vinstri ökkla sinn eftir að hafa barist um boltann við Phil Jones og Victor Lindelöf þegar nokkrar sekúndur voru eftir.
Kane fékk aðhlynningu eftir leik og haltraði síðan til búningsklefa.
„Við munum skoða hann," sagði Mauricio Pochettino, stjóri Tottenham, eftir leik. „Þetta var slæm tækling. Það var ekki ætlunin hjá þeim en þetta var slæm tækling."
„Vonandi er þetta ekki stórt vandamál. Þetta er áhyggjuefni," sagði argentíski stjórinn.
Moussa Sissoko fór líka meiddur af velli í dag.
🗨️ Mauricio on @MoussaSissoko and @HKane: “We need to assess Moussa tomorrow and see what happens. Harry suffered a big tackle, we hope it’s not a big problem but we will also need to assess him tomorrow.” pic.twitter.com/uaI2w8WiPV
— Tottenham Hotspur (@SpursOfficial) January 13, 2019
Athugasemdir
