Seinni leikur dagsins í Kjarnafæðismótinu fyrir norðan var á milli KF og Hattar/Hugins í Boganum á Akureyri.

Sæbjörn Guðlaugsson skoraði fyrsta mark leiksins á 27. mínútu og var staðan 1-0 í hálfleik fyrir Hött/Hugin.

Snemma í seinni hálfleiknum keyrði Höttur/Huginn yfir KF. Marteinn Gauti Kárason, Aron Sigurvinsson og Jakob Jóel Þórarinsson voru á skotskónum og lokatölur 4-0.

Höttur/Huginn fer vel af stað eftir að félögin sameinuðust. Höttur/Huginn, sem sendir lið til leiks í 3. deildinni í sumar, hefur unnið fyrstu tvo leiki sína í Kjarnafæðismótinu og er á toppnum í B-deild. KF vann KA 3 í fyrsta leik sínum, en þetta var annar leikur liðsins.

Markaskorarar af urslit.net