Andorra leikur í fimmtu deild spænska boltans en er langbesta liðið í heimalandinu og er heiti félagsins eftir því.

Kosmos, fyrirtæki Pique, tók yfir skuld félagsins sem hefur aldrei komist hærra heldur en í C-deildina eða í fjórðu umferð spænska konungsbikarsins.

Gabri Garcia og Albert Jorquera, fyrrverandi leikmenn Barcelona, eru þjálfarar félagsins og var Adria Vilanova, sonur Tito fyrrverandi þjálfara Barca, fenginn til að spila með þeim.

Þetta er ekki ósvipað kaupum leikmanna úr '92 árganginum hjá Manchester United á Salford City sem er í toppbaráttu ensku utandeildarinnar.