Jose Mourinho.
Jose Mourinho, stjóri Tottenham, hefur sagt Fulham að hætta að kvarta yfir að frestaður leikur liðanna fari fram í kvöld. Enska úrvalsdeildin ákvað á mánudag að setja leikinn á eftir að fresta varð leik Tottenham og Aston Villa.
Fulham hefur kvartað yfir því að hafa einungis fengið tveggja daga fyrirvara um að leikurinn myndi fara fram í kvöld.
Fulham hefur kvartað yfir því að hafa einungis fengið tveggja daga fyrirvara um að leikurinn myndi fara fram í kvöld.
„Við höfum spilað, ef það er ekki rangt hjá mér, 11 fleiri leiki en Fulham frá byrjun tímabilsins. Ellefu. Við höfðum spilað í hverri viku, þrjá leiki í viku. Í einni viku spiluðum við fjóra leiki," sagði Mourinho.
„Þeir spiluðu á laugardaginn gegn QPR - Í London. Þeir hafa sunnudag, mánudag og þriðjudag til að undirbúa þennan leik."
„Ef þeir koma með hálft liðið sitt þá mun ég fyrstur biðja þá afsökunar og segja að við höfum forskot í þessum leik. Ef þeir mæta með besta liðið sitt tel ég að þeiri eigi að biðja okkur afsökunar."
Athugasemdir
