Evrópa í dag - Albert og Orri Steinn í eldlínunni

Albert Guðmundsson hefur spilað sjö leiki með Fiorentina eftir að hafa komið til baka úr meiðslum. Hann var hins vegar allan tíman á bekknum í síðasta leik þegar liðið tapaði 3-0 gegn Napoli.

Liðið er án sigurs í síðustu fjórum leikjum í deildinni. Liðið getur komist upp í 5. sæti, upp fyrir Juventus, með sigri á botnliði Monza í kvöld.

Orri Steinn Óskarsson er einnig að koma hægt og rólega til baka eftir meiðsli. Hann spilaði allan seinni hálfleikinn þegar Real Sociedad komst áfram í spænska bikarnum með sigri á Ponferradina í síðustu viku.

Liðið er í 8. sæti en Sociedad mætir Villarreal í kvöld sem er í 5. sæti fimm stigum á undan.

mánudagur 13. janúar

Ítalía: Sería A
19:45 Monza - Fiorentina

Spánn: La Liga
20:00 Real Sociedad - Villarreal