Matthijs De Ligt er nafn sem fótboltaunnendur munu án vafa heyra mjög oft í framtíðinni. De Ligt er 19 ára gamall varnarmaður sem leikur með Ajax í Hollandi.
Á meðan margir táningar sitja yfir bókalestri þá er De Ligt að fara að spila í Meistaradeildinni gegn Real Madrid. Hann verður fyrirliði Ajax í leiknum, en um er að ræða fyrri leik liðanna í 16-liða úrslitum Meistaradeildarinnar.
Á meðan margir táningar sitja yfir bókalestri þá er De Ligt að fara að spila í Meistaradeildinni gegn Real Madrid. Hann verður fyrirliði Ajax í leiknum, en um er að ræða fyrri leik liðanna í 16-liða úrslitum Meistaradeildarinnar.
Með því að vera fyrirliði í kvöld er De Ligt að bæta met Cesc Fabregas frá 2009. Fabregas, þá 21 árs gamall, var fyrirliði Arsenal í útsláttarleik í Meistaradeildinni.
De Ligt verður núna yngsti leikmaður sögunnar til að vera fyrirliði í útsláttarleik í Meistaradeildinni.
Þetta er líklega síðasta tímabil De Ligt hjá Ajax. Hann hefur verið orðaður við flest stórlið í Evrópu. Barcelona er líklegast til að landa honum.
Tveir leikir eru að hefjast í 16-liða úrslitum Meistaradeildarinnar. Smelltu hér til að sjá byrjunarliðin.
Athugasemdir