Það er ólga hjá Inter en í dag var tilkynnt að Mauro Icardi hafi verið sviptur fyrirliðabandi liðsins.

Þá er Icardi ekki valinn í leikmannahóp Inter sem mætir Rapid Vín í 32-liða úrslitum Evrópudeildarinnar á fimmtudag.

Talið er ljóst að sóknarmaðurinn sé á förum frá Inter næsta sumar en hann hefur verið í samningaþrasi við félagið í nokkurn tíma. Ofan á það hefur hann ekki skorað í síðustu sjö leikjum.

Juventus, Chelsea og Real Madrid eru meðal félaga sem hafa sýnt honum áhuga.