Meistaradeildin byrjaði að rúlla á nýjan leik í gærkvöldi með tveimur leikjum. Tveir leikir eru síðan á dagskrá í kvöld.
Dortmund, topplið þýsku úrvalsdeildarinnar, kemur á Wembley í kvöld og mætir þar Tottenham. Afar áhugaverð viðureign.
Tottenham situr í þriðja sæti ensku úrvalsdeildarinnar, fimm stigum á eftir toppliði deildarinnar, Manchester City. Tottenham verður án sterkra lykilmanna í kvöld en Harry Kane, Dele Alli og Danny Rose verða allir fjarri góðu gamni.
Mikið hefur verið rætt um "heimkomu" Jadon Sancho í liði Dortmund en hann er að sjálfsögðu Englendingur. Hann hefur átt stórkostlegt tímabil með Dortmund.
Í hinum leik kvöldsins mætast Ajax og Real Madrid. Spænsku risarnir hafa unnið Meistaradeildina síðustu þrjú ár en liðið hefur verið í basli heima fyrir á leiktíðinni.
Ajax er í öðru sæti í hollensku úrvalsdeildinni, sex stigum á eftir toppliði PSV Eindhoven.
Bæði lið unnu sína riðla fyrr í vetur en Dortmund endaði fyrir ofan Atletico Madrid. Roma þurfti að sætta sig við annað sætið í riðli með Real Madrid.
Leikir kvöldsins:
20:00 Tottenham - Dortmund (Stöð 2 Sport)
20:00 Ajax - Real Madrid (Stöð 2 Sport 2)
Athugasemdir