„Ég hef spilað þrisvar á Wembley, 270 mínútur og ekki fengið á mig mark ennþá. Ef ég hefði ekki tekið þátt í því að fara í úrslit og vinna á sínum tíma þá hefði þetta verið hryllilegt og sært mann illa. Maður gat huggað sig við það að maður væri búinn með það," sagði Hermann um tilfinninguna að missa af úrslitaleiknum á Wembley 2010.

„Í úrslitaleiknum var ég nýbúinn í aðgerð og var með liðinu á svæðinu. Meðan upphitunin var í gangi þá var ég fyrir utan klefana og þar voru bræðurnir prins Harry og prins William. Við sátum þarna félagarnir og fórum yfir stöðuna. Við leystum heimsmálin á smá tíma."

Vilhjálmur prins er mikill fótboltaáhugamaður og Hermann var ekki að hitta hann í fyrsta skipti þegar þeir spjölluðu á Wembley 2010.

„Hann kom á æfingu hjá Charlton einhverntímann og var með í reit. Menn voru að reyna að espa mig upp í að tækla hann. Ég lét það renna í gegnum hausinn á mér....en ég lét það bara renna alla leið," sagði Hermann og hló.

Hlustaðu á Hemma í Miðjunni hér eða í Podcast forritum