Jesse Lingard og Anthony Martial þurftu báðir að fara útaf vegna meiðsla þegar Manchester United mætti PSG í Meistaradeildinni í gærkvöldi.
Leiknum lauk með 0-2 sigri gestanna frá París en Presnel Kimbempe og Kylian Mbappe skoruðu mörk liðsins.
Leiknum lauk með 0-2 sigri gestanna frá París en Presnel Kimbempe og Kylian Mbappe skoruðu mörk liðsins.
Lingard þurfti að fara útaf í fyrri hálfleik en hann settist í grasið og hélt utan um lærið á sér. Alexis Sanchez kom inná í hans stað.
Martial var tekinn útaf í hálfleik en Juan Mata kom inná fyrir hann.
„Það er ekki hægt að nota þessi meiðsli sem afsökun fyrir því að við töpuðum leiknum. Það komu tveir frábærir leikmenn inná í staðinn. Við skulum vona að þetta sé ekki alvarlegt," sagði Solskjær eftir leikinn.
„Þetta eru einhversskonar vöðvameiðsli. Við þurfum að bíða og sjá með þetta."
Athugasemdir