þri 13. mars 2018 19:30
Hrafnkell Már Gunnarsson
Busquets: Væri mjög erfitt að sjá Messi í öðru liði
Sergio Busquets leikmaður Barcelona.
Sergio Busquets leikmaður Barcelona.
Mynd: Getty Images
Sergio Busquets leikmaður Barcelona segir að erfitt væri að sjá Lionel Messi spila með öðru liði. Messi hefur verið orðaður við Manchester City síðan Pep Guardiola tók við liðinu.

„Messi á heima í Barcelona, ég held að hann elski að vera hér hjá okkur. Við erum með frábæra leikmenn og tökum þátt í öllum keppnum. Að sjá hann fara í annan klúbb væri mjög erfitt, það er líka mjög erfitt að fara frá Barcelona því við höfum allt sem leikmenn vilja," sagði Busquets.

Messi var ekki í leikmannahóp Börsunga þegar þeir mættu Malaga um helgina. Messi þurfti að draga sig úr hópnum þar sem hann var staddur á fæðingardeildinni með eiginkonu sinni, Antonella Roccuzzo.

„Ég er viss um að Messi verði tilbúinn í leikinn gegn Chelsea á morgun. Hann ætti að vera vel úthvíldur og vonandi getur hann hjálpað okkar að komast áfram í 8-liða úrslit", sagði Busquets að lokum.

Barcelona mætir Chelsea á morgun í seinni viðureign liðanna í Meistaradeildinni. Fyrri leikurinn endaði 1-1 á Stamford Bridge, þar sem Lionel Messi skoraði jöfnunar mark Börsunga eftir mistök í vörn Chelsea manna.
Athugasemdir
banner
banner
banner
banner