þri 13. mars 2018 18:15
Elvar Geir Magnússon
Segja að Griezmann hafi samið við Barcelona í haust
Griezmann er 26 ára.
Griezmann er 26 ára.
Mynd: Getty Images
Le 10 Sport í Frakklandi fullyrðir að Antoine Griezmann, franski sóknarmaðurinn hjá Atletico Madrid, hafi gert munnlegt samkomulag við Barcelona á liðnu hausti.

Barcelona hefur verið orðað við Griezmann undanfarna mánuði þrátt fyrir að hafa sett félagsmet með kaupunum á Philippe Coutinho frá Liverpool.

Griezmann er skærasta stjarna Atletico en Manchester United var sterklega orðað við leikmanninn síðasta sumar en hann ákvað að vera áfram í Madríd.

Le 10 Sport segir að það sé svo gott sem frágengið að Griezmann fari til Barcelona og bætist í sóknarmannaher sem samanstendur af Lionel Messi, Luis Suarez og Ousmane Dembele.

Treyja númer sjö bíður eftir Griezmann en hún hefur verið laus síðan Arda Turan fór til Istanbul Basaksehir.

Griezmann hefur verið á eldi að unfanförnu með Atletico og skorað þrettán mörk í þrettán síðustu leikjum. Liðið er í öðru sæti en átta stigum á eftir toppliði Barcelona eftir 28 leiki.
Athugasemdir
banner
banner
banner