Danska liðið Midtjylland er komið áfram í 8-liða úrslit Evrópukeppni unglingaliða eftir sigur gegn Manchester United 3-1. Leikurinn fór fram í Danmörku.
Hinn 19 ára Elías Rafn Ólafsson, fyrrum leikmaður Breiðabliks, varði mark Midtjylland í leiknum. Elías átti stóran þátt í að Midtjylland komst í 16-liða úrslitin en hann varði tvær vítaspyrnur í vítaspyrnukeppni gegn Roma.
Hinn 19 ára Elías Rafn Ólafsson, fyrrum leikmaður Breiðabliks, varði mark Midtjylland í leiknum. Elías átti stóran þátt í að Midtjylland komst í 16-liða úrslitin en hann varði tvær vítaspyrnur í vítaspyrnukeppni gegn Roma.
Nicky Butt er þjálfari unglingaliðs United en með liðinu í dag voru James Garner, Angel Gomes og Tahith Chong sem allir hafa verið viðloðnir aðalliðið.
Gustav Isaksen, 17 ára framherji, skoraði tvö af mörkum Midtjylland í leiknum og Oliver Olsen eitt. Gomes skoraði mark United, þegar hann jafnaði í 1-1 úr vítaspyrnu.
Dinamo Zagreb vann Liverpool í keppninni í gær og verður í 8-liða úrslitum líkt og Hoffenheim, Lyon, Barcelona og Porto (sem vann Tottenham í dag). Klukkan 17 hefst viðureign Chelsea og Montpellier.
Pleased Elias Olafsson (2000) after winning Man Utd 3-1 in UEFA Youth League. Here’s with Kristall Ingason (2002), Nikola Djuric (2001) & Agust Hlynsson (2000) 🇮🇸👏 pic.twitter.com/fkDp76ZhrC
— Total Football (@totalfl) March 13, 2019
Athugasemdir