Gareth Southgate landsliðsþjálfari Englands hefur valið Declan Rice í landsliðshóp sinn fyrir leiki gegn Tékkum og Svartfellingum í undankeppni EM síðar í þessum mánuði.

Þessi tvítugi leikmaður valdi nýlega að spila fyrir landslið Englands frekar en Írland en hann á vináttuleiki og yngri landsleiki að baki fyrir Íra.

Hann hefur fengið verðskuldað lof fyrir frammistöðu sína með West Ham á tímabilinu.

Callum Wilson, sóknarmaður Bournemouth, er einnig í hópnum en hann má sjá í heild hér að neðan.