Íslandsmeistarar Vals völtuðu yfir Aftureldingu í Lengjubikarnum í dag og var Gary John Martin í aðalhlutverki.

Gary skoraði fyrsta mark leiksins og tvöfaldaði Sigurður Egill Lárusson forystuna fyrir leikhlé.

Birkir Már Sævarsson gerði þriðja mark heimamanna snemma í síðari hálfleik og á næsta korteri skoraði Gary þrennu.

Gary endaði leikinn því með fjögur mörk og lokatölur 6-0 fyrir Val sem endar riðlakeppnina með 10 stig eftir 5 umferðir.

Afturelding lýkur keppni með 7 stig og eru Valsarar nokkurn veginn öruggir með annað sætið, nema Fjölnir valti yfir KA er liðin mætast á Akureyri næsta sunnudag.