Kvennalið Wolfsburg er komið í undanúrslit þýska bikarsins eftir góðan sigur gegn Potsdam.

Alexandra Popp skoraði tvennu í fyrri hálfleik og gerði Pernille Harder út um viðureignina í upphafi síðari hálfleiks, áður en Pia Wolter gerði fjórða og síðasta markið þegar stundarfjórðungur var eftir.

Sara Björk Gunnarsdóttir er mikilvægur hlekkur í liði Wolfsburg og verður áhugavert að sjá hvaða andstæðingum hún mætir í undanúrslitum. Dregið verður á morgun og koma Hoffenheim, FC Bayern og Freiburg til greina.