Diego Costa, sóknarmaður Atletico Madrid, var dæmdur í átta leikja bann fyrir að hreyta fúkyrðum að dómara leiksins er liðið tapaði toppslagnum gegn Barcelona um síðustu helgi.
Costa lét reka sig útaf á 28. mínútu en Börsungar unnu 2-0 og komu bæði mörkin í síðari hálfleik.
Atletico Madrid ákvað að áfrýja ákvörðun knattspyrnusambandsins en aganefnd hefur gefið út að hún tekur áfrýjunina ekki til greina. Leikbannið helst því í átta leikjum, sem þýðir að sóknarmaðurinn umdeildi missir af restinni af tímabilinu.
Nú hefur Atletico tvær vikur til að senda áfrýjunarbeiðni til TAD sem er æðra dómsstig í íþróttum á Spáni. Líklegt er að Atletico muni áfrýja en ólíklegt er að sú áfrýjun beri árangur, enda sagðist Costa ætla að skíta á móður dómarans skömmu áður en hann fékk rautt. Í sömu andrá kallaði hann móður dómarans hóru.
Athugasemdir
