Byrjunarlið Newcastle og Tottenham: Mikið um meiðsli í herbúðum heimamanna

Newcastle er í baráttunni í kringum Evrópusætin á meðan Tottenham berst um sæti í Meistaradeild Evrópu á næstu leiktíð. Bæði lið unnu í síðustu umferð, Newcastle vann Fulham á útivelli á meðan Tottenham lagði Nottingham Forest að velli.

Eddie Howe, stjóri Newcastle, gerir tvær breytingar frá síðasta leik. Joe Willock er meiddur á hásin og þá fær Lewis Hall sér sæti á varamannabekknum. Inn koma þeir Elliot Anderson og Harvey Barnes.

Mikið er um meiðsli hjá Newcastle en liðið getur stillt upp sterku ellefu manna liði af leikmönnum sem ekki eru til taks í dag.

Ange Postecoglou, stjóri Spurs, gerir eina breytingu frá sigurleiknum gegn Forest. Rodrigo Bentancur kemur inn á miðjuna en Pape Matar Sarr fær sér sæti á varamannabekknum.

Newcastle: Dubravka, Krafth, Schar, Burn, Barnes, S Longstaff, Guimaraes, Anderson, Murphy, Isak, Gordon.
(Varamenn: Karius, Gillespie, Dummett, Ritchie, Hall, Livramento, White, Murphy, Parkinson)

Tottenham: Vicario, Porro, Romero, van de Ven, Udogie, Bissouma, Bentancur, Johnson, Maddison, Werner, Son Heung-min.
(Varamenn: Austin, Hojbjerg, Dragusin, Gil, Royal, Lo Celso, Kulusevski, Sarr, Davies)