Newcastle United og Tottenham mætast klukkan 11:30. Tottenham er í ágætri stöðu í Meistaradeildarbaráttunni, en það gæti farið svo að England fái auka sæti í Meistaradeildina á næstu leiktíð.

Eins og staðan er núna er Tottenham og Aston Villa með ellefu stiga forystu á Manchester United sem er í sjötta sæti deildarinnar.

Brentford mætir botnliði Sheffield United klukkan 14:00 en á sama tíma mætast Burnley og Brighton á meðan Englandsmeistarar Manchester City fá Luton í heimsókn á Etihad. Það er alger skyldusigur hjá Man City, sem er í titilbaráttu við Arsenal og Liverpool.

Nottingham Forest mætir þá Wolves áður en Bournemouth tekur á móti Manchester United.

Ef Man Utd tapar gegn Bournemouth í dag þá er von liðsins um að komast í Meistaradeild lítil sem engin. Bournemouth hefur spilað vel að undanförnu og unnið fjóra af síðustu sex deildarleikjum sínum.

Leikir dagsins:
11:30 Newcastle - Tottenham
14:00 Brentford - Sheffield Utd
14:00 Burnley - Brighton
14:00 Man City - Luton
14:00 Nott. Forest - Wolves
16:30 Bournemouth - Man Utd