England: Newcastle valtaði yfir Tottenham og skoraði fjögur
Gordon frábær í dag.
Mynd: EPA
Mynd: Getty Images
Gordon frábær í dag.
Mynd: EPA
Newcastle 4 - 0 Tottenham
1-0 Alexander Isak ('30 )
2-0 Anthony Gordon ('32 )
3-0 Alexander Isak ('51 )
4-0 Schar ('87)
Fyrsti leikur dagsins í ensku úrvalsdeildinni fór fram á St. James's Park í Newcastle þar sem heimamenn fengu Tottenham Hotspur í heimsókn.
Newcastle var miklu betri liðið í dag og valtaði hreinlega yfir Lundúnarliðið. Þeir voru búnir að ógna marki Tottenham nokkrum sinnum þegar Alexander Isak skoraði á 30. mínútu eftir frábæran undirbúning frá Anthony Gordon.
Rúmri mínútu síðar var Gordon búinn að tvöfalda forystu Newcastle en Hollendingurinn Micky van de Ven leit afar illa út í vörninni hjá gestunum í mörkunum tveimur.
Isak var aftur á ferðinni í upphafi síðari hálfleiks þegar hann gerði endanlega út um leikinn með öðru marki sínu og þriðja marki Newcastle. Hann fékk þá frábæra stungusendingu frá Bruno Guimaraes og gerði Isak engin mistök og tók færið sitt vel.
Heimamenn voru ekki hættir en varnarmaðurinn öflugi Fabian Schar stangaði þá boltann í netið eftir hornspyrnu frá Gordon og setti síðasta kirsuberið á kökuna.
Sannfærandi sigur hjá Newcastle en liðið er nú komið upp í sjötta sæti deildarinnar með 50 stig. Tottenham er sæti ofar með tíu stigum meira.
Mynd: Getty Images
Stöðutafla
| # | Lið | L | mun | Stig |
|---|---|---|---|---|
| 1 | Man City | 3 | +5 | 9 |
| 2 | Arsenal | 3 | +5 | 9 |
| 3 | Hull City | 3 | +3 | 7 |
| 4 | Chelsea | 3 | +1 | 6 |
| 5 | Brentford | 3 | +3 | 5 |
| 6 | Liverpool | 3 | +2 | 5 |
| 7 | Newcastle | 3 | +2 | 5 |
| 8 | Everton | 3 | +2 | 5 |
| 9 | Leeds | 3 | +1 | 5 |
| 10 | Brighton | 3 | +3 | 4 |
| 11 | Man Utd | 3 | +1 | 4 |
| 12 | Sunderland | 3 | 0 | 4 |
| 13 | Crystal Palace | 3 | -4 | 3 |
| 14 | Ipswich Town | 3 | -4 | 3 |
| 15 | Bournemouth | 3 | -1 | 2 |
| 16 | Nott. Forest | 3 | -1 | 2 |
| 17 | Aston Villa | 3 | -5 | 1 |
| 18 | Tottenham | 3 | -5 | 1 |
| 19 | Fulham | 3 | -3 | 0 |
| 20 | Coventry | 3 | -5 | 0 |
