Kovac orðaður við stjórastól Liverpool - Newcastle vill Gibbs-White - Dewsbury-Hall orðaður við Tottenham
Eysteinn á von á geggjuðum leik - „Jölli er alltaf Jölli í Portúgal"
Arnór Smára: Hafði persónulega mikla þýðingu fyrir mig
Draumadráttur Jökuls: Augnablik á stóran hluta af mínu hjarta og mun alltaf gera
Kjartan Henry: Hallgrímur sá ekki til sólar eftir það
Var vítaspyrnudómurinn í Árbæ rangur?
Lék sinn fyrsta leik í efstu deild og vildi víti - „Fann fyrir snertingu og lét mig detta"
Líður eins og Valsarar hafi tapað leiknum - „Hafði aldrei trú á því að hann væri að fara skora"
Arnar Grétars: Gerði mikið fyrir okkur að vera með frábæran markmann
Svekktur yfir því að vinna ekki Val - „Mjög dapurt víti, svo við tölum hreint út“
Jón Þór: Bíð jafn spenntur og þú
Viktor Jóns: Get skorað mörk hvar sem er
Ómar Ingi: Eðlilega verður róðurinn þyngri
Siggi Höskulds: Áttum að skora miklu fleiri mörk
Mikael: Ef menn vilja vera áfram í KFA þurfa menn að horfa á þennan leik
Eyþór: Talað um báða titlana frá fyrsta samtali
Marc McAusland: Lífið er gott í ÍR
Sigurður Bjartur: Gat ekki klúðrað þessu færi
Haddi: Gefum of einföld mörk
Davíð Smári: Ætla ekki að nota það sem afsökun
Heimir: Spiluðu ágætis varnarleik sem þeir eru kannski ekki þekktir fyrir
   lau 13. maí 2023 20:17
Sæbjörn Þór Þórbergsson Steinke
Óskar Hrafn: Þetta gefur okkur svona tíu þúsund sinnum meira
Á hliðarlínunni í dag.
Á hliðarlínunni í dag.
Mynd: Fótbolti.net - Hafliði Breiðfjörð
Spilið í kringum markið var meiriháttar vel gert, svo auðvitað klárar hann frábærlega.
Spilið í kringum markið var meiriháttar vel gert, svo auðvitað klárar hann frábærlega.
Mynd: Fótbolti.net - Hafliði Breiðfjörð
'Veðrið var skárra núna - þó að það hafi rignt mikið'
'Veðrið var skárra núna - þó að það hafi rignt mikið'
Mynd: Fótbolti.net - Hafliði Breiðfjörð
1992 hefði maður rennt sér og tekið nokkrar tveggja fóta - gerði það nú reyndar við þessar aðstæður
1992 hefði maður rennt sér og tekið nokkrar tveggja fóta - gerði það nú reyndar við þessar aðstæður
Mynd: Fótbolti.net - Hafliði Breiðfjörð
„Tilfinning er bara góð, ég er mjög ánægður með frammistöðuna, mér fannst við ná að spila vel þrátt fyrir mjög erfiðar aðstæður. Mér fannst við eiga þetta skilið. Það var erfitt að brjóta KRingana á bak aftur, þeir voru mjög vel skipulagðir, virkilega öflugir og ég er bara mjög sáttur," sagði Óskar Hrafn Þorvaldsson, þjálfari Breiðabliks, eftir sigur á KR á Meistaravöllum í dag.

Lestu um leikinn: KR 0 -  1 Breiðablik

„Að einhverju leyti þolinmæðisverk, við máttum ekki fara flýta okkur, ekki fara að þruma bara fram og vona það besta, heldur reyna hafa stjórn á leiknum og mér fannst okkur takast það vel."

Ekki boðlegir vellir í efstu deild á Íslandi 2023
Þetta var annar grasleikur Breiðabliks í sumar. Fyrsti leikurinn var gegn ÍBV í Vestmannaeyjum í apríl. Var þetta svipað?

„Nei, veðrið var skárra núna - þó að það hafi rignt mikið, völlurinn var erfiðari. Það er rosalega lítið gras á vellinum, einhvern veginn lélegur allur. Hann var sleipari held ég heldur en úti í Eyjum. Sennilega myndi einhver segja að báðir vellirnir væru ekki boðlegir í efstu deild á Íslandi árið 2023. En þetta er bara það sem við lifum við og mér fannst við ná að láta völlinn stjórna leiknum okkar."

Óskar segir að einhverjir myndu kannski segja... myndi hann sjálfur segja það?

„Einhverjir myndu segja að þetta væri ekki boðlegt, en það er ekki mitt að fella dóma á það."

Gefa okkur allt þetta þrennt
Þeir Arnór Sveinn Aðalsteinsson og Andri Rafn Yeoman komu inn í liðið hjá Breiðablik. Þeir eru báðir ofboðslega reynslumiklir og hafa séð ýmsar aðstæður koma upp í leikjum hjá sér. Var Óskar að hugsa út í reynsluna þar?

„Já, bæði og. Við erum auðvitað með Viktor Karl og Anton Loga í banni og Alexander Helgi er að koma inn eftir meiðsli. Við þurftum að færa Högga (Höskuld) inn á miðjuna. Arnór Sveinn og Andri færa liðinu gríðarlega margt, frábærir leikmenn báðir tveir. Reynsla, gæði, karakter, allt þetta þrennt. Þeir hafa báðir verið að glíma við meiðsli, hafa kannski ekki náð samfelldum æfingavikum. Þeir eru að tjasla sér saman og koma sér í toppstand. Það mun muna mikið um þegar þeirra nýtur við í 90 mínútur í hverjum leik."

Ekki tvö lýsingarorð sem hægt er að nota í dag
Breiðablik fær þrjú stig úr þessum leik líkt og leikjunum þremur þar á undan. Gefur þessi leikur Breiðabliksliðinu meira en t.d. síðasti leikur gegn Fylki þar sem frammistaðan var ekki sú besta?

„Þetta gefur okkur svona tíu þúsund sinnum meira en sá leikur, vegna þess að sá leikur var ekki góður, þó að hann hafi gefið þrjú stig. Við vorum latir og lélegir. Það eru ekki tvö lýsingarorð sem hægt er að nota um þessa frammistöðu. Við vorum öflugir, kröftugir, skipulagðir, duglegir og virkilega góðir stærsta hluta leiksins í þessum leik. Maður verður að reyna horfa heildstætt á frammistöðuna og frammistaðan var frábær í dag, eitthvað sem við tökum með okkur í næstu leiki - klárt mál."

Þurfti að vera einhver snilld sem myndi opna þetta
Sigurmarkið var einkar glæsilegt, frábært samspil og frábær afgreiðsla hjá Gísla Eyjólfssyni.

„Spilið í kringum markið var meiriháttar vel gert, svo auðvitað klárar hann frábærlega. Ég segi það aftur, mér fannst við eiga þetta mark skilið. Við áttum í erfiðleikum með að ógna KR markinu af einhverju ráði. Þeir voru þéttir, með Finn, Jakob og Kennie í þriggja manna og svo Kidda Jóns og Jóa sem vængbakverði. Það var ekkert auðvelt að komast í gegnum þá, þurfti kannski að vera einhver glæsileg sókn og einhver snilld sem myndi opna þetta."

Á sínum tíma hefði hann sjálfur rennt sér í nokkrar tveggja fóta
KR fékk fimm gul spjöld í leiknum. Fannst Óskari KR vera sýnilega grófara liðið?

„Þeir voru ekkert grófari en við. Auðvitað vorum við meira með boltann, í mörgum af þessum spjöldum eru þeir að elta og eru að reyna stoppa sóknina. Nei nei, alls ekki grófir, ekki miðað við hvernig menn geta verið. 1992 hefði maður rennt sér og tekið nokkrar tveggja fóta - gerði það nú reyndar við þessar aðstæður. Þvert á móti voru menn frekar prúðir. Auðvitað var tekist á, en stundum ertu bara aðeins of seinn, rennur til. En þetta var alls ekki grófur leikur," sagði Óskar.

Viðtalið í heild sinni er hægt að sjá í spilaranum. Óskar er spurður út í stöðu KR, Patrik Johannesen og Kristin Steindórsson í lok viðtalsins.
Athugasemdir
banner
banner
banner
banner