Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mið 13. júní 2018 07:23
Elvar Geir Magnússon
Messi í myndatöku fyrir leikinn gegn Íslandi
Icelandair
Messi myndaður.
Messi myndaður.
Mynd: Argentína
Í bænum Bronnitsy, sem er rétt utan við Moskvu, er argentínska landsliðið með sínar bækistöðvar og býr sig undir komandi átök.

Eins og lesendur eru með á hreinu þá mætast Ísland og Argentína á laugardaginn klukkan 13 en leikurinn verður á heimavelli Spartak í Moskvu.

Argentína hefur verið með svipaða rútínu og Ísland í aðdraganda leiksins. Á mánudaginn var liðið með opna æfingu þar sem aðdáendur gátu fylgst með Lionel Messi og félögum æfa.

Í gær fór liðið svo í opinbera myndatöku hjá FIFA þar sem meðal annars voru tekin upp myndskot sem notuð verða í beinni útsendingu frá leiknum á laugardag.

Sjá einnig:
Ólafur Ingi sló í gegn í myndatöku hjá FIFA

Argentínskur íþróttafréttamaður sagði við Fótbolta.net að argentínska liðið virkaði mjög einbeitt og yfirvegað fyrir mótið þrátt fyrir þá gríðarlegu pressu sem er á því frá eigin þjóð.


Athugasemdir
banner
banner